CAMPAÑA DE RECOLLIDA DE ALIMENTOS
Segundo a publicación dun recente estudo do Instituto Galego de Estadística, correspondente ao primeiro trimestre do ano 2016, o 47,34%dos fogares galegos chega con dificultade e un 6,96% restante con moita dificultade. Para contribuír ao decrecemento desta situación, a Oficina de Cooperación e Voluntariado e o Banco de Alimentos Rías Altas, en colaboración coa OMA levarán a cabo unha campaña solidaria de recollida de alimentos para as persoas máis desfavorecidas da provincia da Coruña.
Dende o vindeiro día 11 ate o 22 de abril, poderedes atopar as caixas de recollida de produtos como legumes, arroz, aceite, cacao, conservas, café, cereais etc., na Escola Universitaria de Relacións Laborais de A Coruña así como nos campus de Oza, INEF, Zapateira, Elviña, Riazor e Reitoría en A Coruña, e nos campus de Serantes e de Esteiro en Ferrol.
Esta iniciativa pretende fomentar a sensibilización da comunidade universitaria nestes momentos de maior dificultade, non só buscando a solidariedade entre o estudantado, senón tamén facéndolles botar unha ollada crítica sobre a situación actual da nosa sociedade, onde cada vez existen máis persoas ao noso redor que teñen serias dificultades para sobrelevar o día a día.
Entre todos e todas podemos conseguilo!!!!