Dende a Vicerreitoría de Estudantes, Participación e Empregabilidade anunciamos a próxima celebración do terceiro módulo do Plan de Mellora da Empregabilidade da UDC.

Este módulo está centrado en experiencias e casos prácticos de inserción laboral, dividindo a sesión en dúas partes: a primeira estará focalizada no papel dos Recursos Humanos na inserción laboral (como son os procesos de selección, portais de emprego, técnicas para afrontar entrevistas, novidades nestes eidos, etc.) e a segunda exporá casos reais de emprendemento de egresados/as da UDC.

A xornada desenvolverase en liña o día 09 de xuño pola mañá cunha duración total de 4 horas.

Nos arquivos adxuntos podedes atopar o programa da xornada, onde xa podedes acceder á ligazón de inscrición aberta ata o 7 de xuño.